Fa’aaogā le pepa lenei e feso’ota’i ai le NAATI mo se fesili poo talosaga mo se fesoasoani.
E lē mauaina i le NAATI se ‘au’aunaga fa’aliliu’upu pe fa’amatala’upu. A fia sa’ili se fa’aliliu’upu pe fa’amatala’upu ua pasia, fa’amolemole fa’aaogā la matou tusi telefoni ma feso’ota’iga.
NAATI, le National Accreditation Authority for Translators and Interpreters, o le fa’alapotopotoga e gafa ma le fa’atulagaina ma le fa’atumauina o le tulaga mana’omia mo tagata e galulue fa’aliliu’upu ma fa’amatala’upu i Ausetalia.
E pasia e le NAATI tagata faigaluega ina ia iai le fa’atuatuaga i le mālō, pisinisi ma tagata lautele, o le ‘au’aunaga i gagana o loo sa’o, taualoa ma amiotonu.
Mea e faia e le NAATI:
O le NAATI e faia su’ega ma pasia tagata e fa’aliliu’upu ma fa’amatala’upu. Na te fa’atulagaina le fua o le agava’a faaleatunuu o tagata e galulue fa’aliliu’upu ma fa’amatala’upu, fa’amaopoopoina le tusi telefoni ma feso’ota’iga i le ‘upega tafā’ilagi mo tagata ua pasia, ma lagolago le taua ma le tulaga taualoa i ‘au’aunaga o gagana mai matagaluega.
Mea e lē faia e le NAATI:
E lē ofoina e le NAATI ni ‘au’aunaga fa’aliliu’upu poo fa’amatala’upu, fa’afaigaluega ni tagata fa’aliliu’upu poo fa’amatala’upu, ofoina pe fa’atulaga ni galuega, poo fuaina ni totogi poo pili mo ‘au’aunaga.
A e mana’omia se pepa e fa’aliliu pe fia fa’atulaga se fa’amatala’upu, e tatau ona fa’afeso’ota’i sa’o se tagata faigaluega ua pasia e le NAATI: poo se ‘au’aunaga i gagana.
E iai le tusi telefoni ma feso’ota’iga o loo lisi ai igoa o fa’aliliu ‘upu ma fa’amatala ‘upu ua pasia e le NAATI. O se tasi lenei o auala e maua ai e tagata lautele se isi ua pasia latou te galulue fa’atasi.
O sa’iliga i le tusi telefoni ma feso’ota’iga e lisi muamua atu fa’ailoga maualuluga, soso’o ai ma igoa o tagata pasia ae lē o fa’atulagaina ne’i fa’aitū’au i se tagata faigaluega e sili atu ai i seisi.
O le filifiliga a le tagata fa’aliliu ‘upu pe fa’amatala ‘upu e tu’u ai lona igoa i le tusi telefoni ma feso’ota’iga. E lē fa’ailoaina e le NAATI fa’amatalaga i tagata faigaluega e lē o lisiina.
O le vaega lea e siaki ai pe o se fa’aliliu ‘upu poo se fa’amatala’upu o se tagata ua pasia e le NAATI i le taimi nei, ma e va’ai ai i fa’amatalaga o lona tusi pasi.
E fa’amaonia ai o le tagata faigaluega o loo e fuafua e fa’aaogā, ua agava’a, pasia ma mafai ona fa se ‘au’aunaga lelei. Pe mafai ai ona e siakia poo se fa’aliliuga ua aumaia, na faatino e se tagata ua pasia e le NAATI.
