Fesili e Masani ona Faia
Sa'ili e auala i le
Fesili e Masani ona Faia
O le sa'iliga e auala i le na o le igoa e sa'ili ai se tagata faigaluega, e lē fa'atuatuaina. E to'atele tagata faigaluega e tutusa pe taitutusa igoa ma isi tagata, ma atonu o isi ua umia ituaiga fa'ailoga e tutusa. E ono faigata ai ona mautinoa o le tagata sa'o lea o loo e sa'ilia.
O le auala sa'o e iloilo ai pe ua pasia se tagata faigaluega, o le fa'aaogāina o lana CPN (Numera Tusi Pasi Faigaluega) . O tagata faigaluega uma ua pasia e iai lana CPN ma'oti, e te iloa manino ai le tulaga pe ua pasia pe leai.
Matou te fautuaina lou:
- Fesili i le tagata faigaluega mo lana CPN
- Fa'aaogā le "Siaki le Tagata Faigaluega" a le NAATI e iloa ai ona fa'ailoga
O la matou tusi telefoni ma feso'ota'iga e mafai ona maua ai igoa o tagata faigaluega ua filifili e fa'ailoa ai o latou fa'amatalaga. E lē o tagata faigaluega uma o loo i le tusi telefoni ma feso'ota'iga, ae maise pe a lē manana'o e fa'ailoa faamatalaga o fesoota'iga.
Ina ia mautinoa o se tagata faigaluega ua pasia, fesili iai mo lana fa'ailoga CPN ma iloilo pe ua pasia i le vaega aloa'ia o sa'iliga.
O le lisi o gagana o loo fa'ailoa ai na o gagana e iai se tagata faigaluega pasia e le NAATI ua filifili e tu'u lona igoa i le tusi telefoni ma feso'ota'iga.
A lē maua ai lau gagana, atonu e mafua ona:
- E lē o iai ni tagata faigaluega o avanoa e galulue i lea gagana, pe
- O tagata faigaluega i lea gagana ua filifili e lē tu'uina o latou fa'amatalaga i le tusi telefoni ma feso'ota'iga.
E fa'afou fa'amatalaga i le tusi telefoni ma feso'ota'iga i taimi e fia tu'uina ai igoa o tagata faigaluega.
O gagana fo'i i le tusi telefoni ma feso'otaiga e tele ina lisi e fa'aaogāina ai le ISO 639-3 igoa o gagana . O lona uiga o nisi gagana atonu e 'ese se igoa, ae fesota'i. lava.
Fa'ata'ita'iga, Swahili atonu o lisi ai ae lē o Kiswahili .
A lē mafai ona e maua lau gagana, taumafai ona sa'ili e faaaoga ai:
- Seisi igoa lautele o le gagana
- Seisi sipelaina o le igoa
A fa'apea lava o lē maua, silasila i la matou ta'iala i le: Mea e fai pe a le maua se fa'amatala 'upu poo se fa'aliliu'upu pasia poo le faafesoota'i matoui mo se fesoasoani.
O le 'pasia ae ua uma le aogā' o lona uiga o se tagata na pasia muamua e le NAATI, ae lē o toe aloa'ia lona tusi pasi. O tusi pasi uma a le NAATI e tatau ona fa'afou i le ta'i tolu tausaga e auala i se faiga e toe fa'afou ai. A lē toe fa'afouina se tusi pasi, ua uma lona aogā. E lē mafai e le NAATI ona fa'amaonia pe o se tagata ua uma le aogā o lona tusi pasi o loo ia fa'amalieina aiaiga e galue ai i le taimi nei.
Mo fa'aliliu'upu: A fa'apea o se pepa na fa'aliliuina e se tagata fa'aliliu 'upu o loo aogā lona tusi pasi mai le NAATI, e tumau ona aloa'ia le moni o lea fa'aliliuga.
E leai se taimi e uma ai le aogā o se fa'aliliuga. A fa'apea na fa'aliliuina e se fa'aliliu 'upu ua pasia e le NAATI, o le aloa'ia o lea fa'aliliuga e tumau. Peita'i, o nisi fa'alapotopotoga, e pei o matagaluega a le mālō, e ono talosagaina se fa'aliliuga lata mai, poo se fa'amaoniga e le'i suia ni fa'amatalaga o iai, ma e ao ai ina siaki muamua pe iai ni mana'oga fa'apitoa.
O nisi fa'amatalaga o tagata faigaluega e lē fa'amalosia ma e lipotia mai e i latou lava. E fa'atagaina e le NAATI tagata faigaluega e filifili pe fa'ailoa fa'amatalaga e pei o fa'ailoga, 'au'aunaga poo vaega e fa'apitoa iai o latou tomai. Ona o lenei, e lē fa'amaonia e le NAATI ia fa'amatalaga.
A lē fa'aalia se vaega, o lona uiga e le'i mana'o le tagata faigaluega e fa'ailoa ia fa'amatalaga. E lē fa'apea ai e lē o lava lona a'oa'oina poo le tomai i lea vaega.
O le vaega lea e siaki ai pe o se fa'aliliu 'upu poo se fa'amatala'upu o se tagata ua pasia e le NAATI i le taimi nei, ma e va'ai ai i fa'amatalaga o lona tusi pasi.
E fa'amaonia ai o le tagata faigaluega o loo e fuafua e fa'aaogā, ua agava'a, pasia ma mafai ona fa se 'au'aunaga lelei. Pe mafai ai ona e siakia poo se fa'aliliuga ua aumaia, na faatino e se tagata ua pasia e le NAATI.
A leai se tagata pasia e le NAATI e maua, e ono iai nisi mea e te filifili iai e fa'alagolago lava i le gagana ma le tulaga e iai.
Faitau le matou pepa "Mea e te faia pe a lē maua se fa'aliliu poo se fa'amatala 'upu" mo ni fesoasoani i ta'iala ma isi la'asaga e te uia.
E fa'alagolago i ou mana'oga. Faitau le matou pepa "Filifiga o se tagata pe o se 'au'aunaga i gagana" mo nisi fesoasoani.
O le tomai fa'apitoa, o se vaega e sili ona maualuga ai le silafia o le tagata faigaluega, e pei o le tulafono, fa'afoma'i, soifua maloloina, a'oga poo 'au'aunaga mo tagata lautele.
O le filifiliga o se tagata faigaluega e iai sona tomai fa'apitoa i se mata'upu, e mafai ona fesoasoani ai ia mautinoa le sa'o ma talafeagai o le fa'amatalaina poo le fa'aliliuina o lea mata'upu. O le lisiina o vaega e fa'apitoa iai le tomai o se tagata faigaluega i le tusi o telefoni ma fesoota'iga i upega tafa'ilagi a NAATI, e lē fa'amalosia ma e filifilia e le tagata faigaluega, e lē fa'amaonia e le NAATI. A fa'apea e lē o lisiina se tomai fa'apitoa, e lē fa'apea ai e lē o lava le tomai o le tagata faigaluega i lea vaega.
I nisi o tū ma aganu'u, atonu e faigofie ona talanoa nisi i se fa'amatala'upu o sona itūpā. Fa'ata'ita'iga, o se fafine e ono mana'o i se tama'ita'i e fa'amatala'upu i mata'upu ma'ale'ale i le soifua maloloina poo le tulafono. O le iai o le filifiliga lea e fesoasoani i tagata e saogalemū ma fa'aaloalogia, ma mautinoa ai o loo sa'o le gagana o feso'ota'iga.
O le fa'aalia o le itūpā i le tusi telefoni ma feso'ota'iga o le filifiliga a le tagata faigaluega.
