அங்கீகரிக்கப்பட்டத் தொழில்புரியும் மொழிபெயர்த்துரைப்பாளர்களின் திறன்கள் NAATI-ஆல் சோதிக்கப்படவில்லை, ஆனால் அவர்கள் குறைந்தபட்சப் பயிற்சி மற்றும் முன்நிபந்தனைகளை நிறைவுசெய்து, சமீபத்திய, முறையான மொழிபெயர்த்துரைத்தல் அனுபவத்தைக் கொண்டுள்ளனர். பொதுவாக, NAATI தேர்வுச் சோதனை கிடைக்காத மொழிகளில் அவர்கள் பணியாற்றுகிறார்கள்.

ஒரு மொழிக்குச் சான்றிதழ் பெற்ற மொழிபெயர்த்துரைப்பாளர்கள் யாரும் இல்லாத பட்சத்தில், சான்றிதழ் பெற்ற ஒருவரின் அதே வேலையைச் செய்யுமாறு அவர்கள் கேட்கப்படலாம்.

சான்றளிக்கப்பட்டத் தற்காலிக மொழிபெயர்த்துரைப்பாளர்கள் பொதுவாக இரண்டு நபர்களுக்கு இடையேயான, சிக்கலற்ற, பொதுவான உரையாடல்களுக்கான அவர்களின் மொழிபெயர்த்துரைப்புத் திறன்கள் சோதிக்கப்பட்டுள்ளன. சான்றளிக்கப்பட்ட மொழிபெயர்த்துரைப்பாளர் மட்டத்தில் சோதிக்கப்படும் பரந்த அளவிலான மொழிபெயர்த்துரைத்தல் திறன்களை NAATI மதிப்பிடாததால், ‘தற்காலிக’ என்ற சொல் பயன்படுத்தப்படுகிறது.

• நேரடிப் பாத்திரமேற்பவர்களின் உதவியுடன், ஆங்கிலம் பேசுபவருக்கும், மற்றொரு மொழி பேசுபவருக்கும் இடையிலான நேருக்கு நேர் (அல்லது காணொளி) மற்றும் தொலைதூர (தொலைபேசி) உரையாடல்களை மொழிபெயர்த்துரைத்தல்.

சான்றளிக்கப்பட்ட மொழிபெயர்த்துரைப்பாளர்கள் பெரும்பாலான சூழ்நிலைகளில் சிக்கலான மொழிபெயர்த்துரைப்பைச் செய்ய முடியும். அவர்கள் NAATI-இன் சான்றளிக்கப்பட்ட தற்காலிக மொழிபெயர்த்துரைப்பாளர் தேர்வுச் சோதனையிலும், சான்றளிக்கப்பட்ட மொழிபெயர்த்துரைப்பாளர் தேர்விலும் தேர்ச்சி பெற்றிருப்பார்கள்.

• இரு நபர்களுக்கு இடையேயான உரையாடல்களை மொழிபெயர்த்துரைத்தல்.
• ஒரு மொழியிலிருந்து (எழுத்து வடிவில்) மற்றொரு மொழிக்கு (பேச்சு வடிவில்) ஆவணங்களைப் படித்து மொழிபெயர்த்தல்.
• தனியுரைகளை மொழிபெயர்த்துரைத்தல் (தொடர்ச்சியான மற்றும் சமநேர மொழிபெயர்த்துரைத்தல்).

சான்றளிக்கப்பட்ட சிறப்புச் சுகாதார மொழிபெயர்த்துரைப்பாளர்கள் என்பவர்கள், சுகாதாரச் சூழல்களில் மொழிபெயர்த்துரைப்பதில் நிபுணத்துவம் பெற்ற, அனுபவம் வாய்ந்த மற்றும் திறமையான மொழிபெயர்த்துரைப்பாளர்கள் ஆவர். அவர்கள் பொது மருத்துவ அறிவு மற்றும் சுகாதாரப் பராமரிப்பில் மொழிபெயர்த்துரைப்பாளர்களின் பங்கு குறித்த மருத்துவ அறிவுத் தேர்வுச் சோதனையில் தேர்ச்சி பெற்றுள்ளனர்; இதில் பேச்சு நோயியல் (speech pathology) தொடர்பான ஒரு கேள்வியும் அடங்கும். மேலும், நிபுணர்களுக்கிடையேயான தகவல் பரிமாற்றங்களை (எடுத்துக்காட்டாக, ஒரு மருத்துவர் மற்றொரு சுகாதாரத் தொழில்முறை நிபுணரிடம் ஒரு நோயாளி பற்றிப் பேசும்போது) மதிப்பீடு செய்யும் ஒரு மொழிபெயர்த்துரைப்புத் தேர்வுச் சோதனையிலும் அவர்கள் தேர்ச்சி பெற்றுள்ளனர், மேலும் அது மனநலச் சூழல்களில் மொழிபெயர்த்துரைக்கும் திறனை மதிப்பீடு செய்கிறது. இந்த நிலைக்கு முன்னேறுவதற்கு முன்பு, அவர்கள் சான்றளிக்கப்பட்ட மொழிபெயர்த்துரைகளாகப் பணியாற்றிச் சிறப்புப் பயிற்சியும் பெற்றுள்ளனர்.

• சுகாதார அறிவுச் சோதனை
• ஒரு தனியுரையின் தொடர்ச்சியான மொழிபெயர்த்துரைத்தல்
• மனநலச் சூழலில் ஒரு தனியுரையின் சமநேர மொழிபெயர்த்துரைத்தல்
• ஒருமொழிப் பரிமாற்றத்தை மொழிபெயர்த்துரைத்தல் (சிக்கலான சூழலில் பல ஆங்கிலம் பேசுபவர்களுக்குச் சமநேர மொழிபெயர்த்துரைத்தல்)

சான்றளிக்கப்பட்ட சிறப்புச் சட்ட மொழிபெயர்த்துரைப்பாளர்கள் என்பவர்கள் சட்டம் சார்ந்த சூழல்களில் மொழிபெயர்த்துரைப்பதில் நிபுணத்துவம் பெற்ற, அனுபவம் வாய்ந்த மற்றும் திறமையான மொழிபெயர்த்துரைப்பாளர்கள் ஆவர். அவர்கள் பொதுச் சட்ட அறிவு மற்றும் சட்டம் சார்ந்த சூழல்களில் மொழிபெயர்த்துரைப்பாளர்களின் பங்கு பற்றியச் சட்ட அறிவுத் தேர்வுச் சோதனையில் தேர்ச்சி பெற்றுள்ளனர். (ஒரு நீதிபதிக்கும் வழக்கறிஞர்களுக்கும் இடையேயான உரையாடல்கள் போன்ற) நிபுணர்களுக்கிடையேயான உரையாடல்களையும், நீதிமன்றக் குறுக்கு விசாரணைகளையும் மொழிபெயர்த்துரைப்பதை மதிப்பீடு செய்யும் ஒரு மொழிபெயர்த்துரைத்தல் தேர்விலும் அவர்கள் தேர்ச்சி பெற்றுள்ளனர். இந்த நிலைக்கு முன்னேறுவதற்கு முன்பு, அவர்கள் சான்றளிக்கப்பட்ட மொழிபெயர்த்துரைப்பாளர்களாகப் பணியாற்றி, சிறப்புப் பயிற்சியும் பெற்றுள்ளனர்.

• சட்ட அறிவுச் சோதனை
• உரையாடல் பகுதிகளைப் பிரித்தெடுக்கும் பணி (உருவகப்படுத்தப்பட்ட குறுக்கு விசாரணைச் சூழலில் தொடர்ச்சியான மொழிபெயர்த்துரைத்தல்)
• தனியுரைகளைத் தொடர்ச்சியாக மொழிபெயர்த்துரைத்தல்
• ஒருமொழிப் பரிமாற்றத்தை மொழிபெயர்த்துரைத்தல் (சிக்கலான சூழலில் பல ஆங்கிலம் பேசுபவர்களுக்குச் சமநேர மொழிபெயர்த்துரைத்தல்)

சான்றளிக்கப்பட்ட கருத்தரங்கு மொழிபெயர்த்துரைப்பாளர்கள் ஒப்பந்தப் பேச்சுவார்த்தைகள் மற்றும் கல்விசார் கருத்தரங்குகள் போன்ற உயர்மட்ட சர்வதேச மற்றும் உள்நாட்டு கருத்தரங்குச் சூழல்களில் மிகவும் சிக்கலான மற்றும் சிறப்பு வாய்ந்த செய்திகளை மொழிபெயர்த்துரைக்க முடியும். இந்த மொழிபெயர்த்துரைப்பாளர்கள் பொதுவாகக் கருத்தரங்கு மொழிபெயர்த்துரைத்தலில் சிறப்புப் பயிற்சியும், விரிவான அனுபவமும் பெற்றிருப்பார்கள். அவர்களின் நற்சான்றிதழ் ஒரு திசையில் மட்டுமே மாற்றுவதை உள்ளடக்கியது (எடுத்துக்காட்டாக, ஜப்பானியத்திலிருந்து ஆங்கிலம் அல்லது ஆங்கிலத்திலிருந்து ஆஸ்லான்), இருப்பினும் சில மொழிபெயர்த்துரைப்பாளர்கள் பல மொழிச் சேர்க்கைகளைக் கொண்டுள்ளனர்.

• பார்க்கப்படாத பேச்சுகளின் தனியுரைகளை மொழிபெயர்த்துரைத்தல் (தொடர்ச்சியான மொழிபெயர்த்துரைத்தல்)
• பார்க்கப்பட்ட மற்றும் பார்க்கப்படாத தனியுரைகளின் ‘பூத்’ மொழிபெயர்ப்பு (சமநேர மொழிபெயர்த்துரைத்தல்)