Fa’amatala’upu Faigaluega Amana’ia galue ma gagana saini e lē ta’atele (e pei o le Gagana Saini Niu Sila ma le Fa’amatala’upu Logonoa Saini fa’a-Amerika ma le Auslan) lea e lē o iai se su’ega a le NAATI i le taimi nei. E le’i su’esu’eina e le NAATI o latou tomai ae ua latou fa’amalieina mana’oga maualalo o le a’oga ma fa’amaonia le iai o se poto masani i ni galuega fa’amatala’upu lata mai ma faifai pea.

Fa’amatala’upu Fa’aleoleo Pasia ua mae’a ona su’eina o latou tomai lautele i le fa’amatala’upu, i ni talanoaga lē lavelave, e tele lava i le vā o ni tagata se to’alua. Fa’ata’ita’iga, e ono fa’amatalaina feso’ota’iga ma se foma’i GP, su’ega o laisene ‘ave ta’avale, fa’atalanoaga a mātua ma faia’oga, fa’atasiga a tagata lautele ma ‘au’aunaga a le mālō. O le ‘upu ‘fa’aleoleo’ o loo fa’aaogāina ona e le’i su’esu’eina e le NAATI le lautele o tomai o se tagata fa’amatala’upu i le tulaga e mafai ai ona avea ma Fa’amatala’upu pasia.

• Fa’amatala’upu fesāga’i (poo luga o se video) i talanoaga i le vā o ni tagata i le Igilisi ma le Auslan, e fa’atinoina e ni tagata i se tulaga tala fa’ata’ita’i
• Fa’amatalaina o se saunoaga i le gagana Auslan (fa’amatala’upu fa’atasi).

Fa’amatala’upu Pasia e mafai ona fa’amatalaina mata’upu lavelave i le tele o tulaga, e aofia ai le soifua maloloina ma le tulafono. Fa’ata’ita’iga, atonu latou te fa’amatalaina talanoaga ma foma’i fa’apitoa, vasega i Univesite, fonotaga fa’apisinisi ma talanoaga ma lōia.

• Fa’amatala ‘upu i se talanoaga i le vā o ni tagata se to’alua
• Fa’aliliu faitau se pepa tusia mai le Igilisi i le gagana Auslan.
• Fa’amatalaina o saunoaga (fa’amatala’upu fa’atasi)

Fa’amatala’upu Pasia Fa’apitoa Soifua Maloloina o fa’amatala ‘upu ua lava le poto masani ma le agava’a e fa’apitoa le silafia i le fa’amatalaina o mata’upu soifua maloloina. Ua latou pasia se su’ega i mata’upu fa’afoma’i lautele e aofia ai ma le tiute o fa’amatala’upu i ‘au’aunaga soifua maloloina. Ua latou pasia fo’i se su’ega mo fa’amatala’upu e iloiloina ai o latou tomai i le fa’amatalaina o talanoaga i le vā o ni tagata ma tomai fa’apitoa (e pei o se talanoaga a se foma’i i seisi tausi soifua e fa’atatau i se gasegase) ma fa’amatala mata’upu o le maloloina o le mafaufau.

Na galulue i latou o Fa’amatala’upu Pasia ma faia ai a’oga ae le’i fa’asolo i le tulaga lenei.

• Su’ega malamalama soifua maloloina
• Fa’amatalaina o se saunoaga (fa’amatala’upu fa’atasi)
• Fa’amatala’upu i se felafolafoa’iga i se gagana e tasi (fa’amatalaina o se felafolafoa’iga a ni tagata i le Igilisi i se tulaga lavelave)

Fa’amatala’upu Pasia Fa’apitoa i le Tulafono o tagata fa’amatala’upu ua lava le silafia ma le poto masani i le fa’amatalaina o mata’upu i le tulafono. Ua pasia a latou su’ega i mata’upu lautele o le tulafono ma le tiute tau’ave o fa’amatala’upu i fa’amasinoga ma isi tulaga. Ua latou pasia fo’i se su’ega mo fa’amatala’upu e iloiloina ai o latou tomai i le fa’amatalaina o talanoaga i le vā o ni tagata ma tomai fa’apitoa (e pei o felafolafoa’iga i le vā o se fa’amasino ma lōia) ma fesili ma tali i molimau i totonu o potu fa’amasino.

Na galulue i latou o Fa’amatala’upu Pasia ma faia ai a’oga ae le’i fa’asolo i le tulaga lenei.

• Su’ega malamalama i le tulafono
• Fa’amatalaina o talanoaga fa’ata’ita’i (fa’amatala’upu fa’a-fuai’upu pe fa’atasi e pei ona faia fesili ma tali i molimau i se fa’amasinoga)
• Fa’amatalaina o saunoaga (fa’amatala’upu fa’atasi)
• Fa’amatala’upu i se felafolafoa’iga i se gagana e tasi (fa’amatalaina o se felafolafoa’iga a ni tagata i le Igilisi i se tulaga lavelave)

Fa’amatala’upu Pasia Fonotaga e galulue i tulaga maualuga i le fa’amatalaina o fonotaga. Fa’ata’ita’iga, le fa’amatalaina o se pepa i se fonotaga mai se tagata Logonoa i le Igilisi, poo se pepa o se fonotaga a se tagata su’esu’e mai le gagana Igilisi i le Auslan. O latou fa’ailoga e na o le tasi le itū e aga’i iai (fa’ata’ita’iga, mai le Auslan i le Igilisi poo le Igilisi i le Auslan), e ui o nisi tagata fa’amatala’upu e ono ‘ūmia se tu’u fa’atasiga o gagana.

• Fa’amatalaina o saunoaga (fa’amatala’upu fa’atasi) o saunoaga ua va’ai pe le’i va’ai iai

Fa’amatala’upu Amana’ia Faigaluega Logonoa ma Pō fesoasoani i feso’ota’iga ma tagata Logonoa ma Pō. Latou te feso’ota’ia fa’amatalaga va’aia e pei o le si’osi’omaga, foliga ma uiga va’aia o tagata, e fa’aopoopo i fa’amatalaga i le gagana tautala poo le gagana saini. E fa’aaogāina e fa’amatala’upu mo tagata logonoa ma pō ni auala ‘ese’ese e feso’ota’i ai, e aofia ai le saini pa’i, saini vāvālalata, saini fa’aata, sipela i tamatama’i lima, ma feso’ota’iga e auala i le pa’i.

O Fa’amatala’upu Amana’ia Faigaluega mo Tagata Logonoa ma Pō e le’i su’esu’eina sa’o e le NAATI o latou tomai i le fa’amatala’upu mo tagata Logonoa ma pō, ae ua latou fa’amalieina mana’oga aupito maualalo, galulue ma se poto masani fa’amatala’upu, ma ‘ūmia se tusi pasi fa’amatala’upu mai le NAATI i le Auslan pe mo tagata Logonoa.

Fa’amatala’upu Fa’aleoleo Pasia Tagata Logonoa o fa’amatala’upu mo tagata Logonoa e maualuga le tomai i fa’aaogāina o foliga e feso’ota’i ai. O fa’amatala’upu Logonoa e galulue fa’atasi ma fa’amatala’upu (fa’alogo) Auslan e fesoasoani i tagata logonoa e lē malamalama lelei i le Auslan.

O se tagata logonoa e ono mana’omia se fa’amatala’upu logonoa pe a fa’apea e latou te:

• umia mana’oga tumau i lagona ma le mafaufau
• fa’ato’a taunu’u mai i Ausetalia ma fa’aaogāina se gagana saini e ‘ese mai i le Auslan
• maualalo le tomai i le gagana Auslan masani.

• Fa’amatalaina o talanoaga (fa’amatala’upu fa’a-fuai’upu ma fa’atasi)
• Fa’aliliu faitau ni pepa o fa’amatalaga mai le gagana Igilisi tusia i le gagana Auslan ma mai le Igilisi tusia i le Gagana Saini lē Ta’atele

Fa’aliliu’upu Amana’ia Faigaluega (Igilisi tusia i le Auslan) fa’aliliuina pepa tusia poo ni video mai le Igilisi i le gagana Auslan. E le’i su’esu’eina e le NAATI o latou tomai, ae ua latou fa’amalieina mana’oga maualalo o le a’oga ma fa’amaonia le iai o se poto masani ma galulue fa’amatala’upu.