I le itulau lenei

• Amioga amiotonu a fa’aliliu’upu ma fa’amatala’upu
• Ta’iala o amioga amiotonu
• Solia o ta’iala o amioga amiotonu

Amioga amiotonu mo tagata fa’aliliu’upu ma fa’amatala’upu

O tagata fa’aliliu’upu ma fa’amatala’upu ua pasia e le NAATI e saisaitia i se ta’iala o amioga amiotonu ma taualoa. O lona uiga e mafai ona e fa’atuatuaina se fa’aliliu’upu poo se fa’amatala’upu ua pasia e le NAATI e pei ona e fa’atuatuaina lau foma’i poo se su’e tusi.

E iai lo latou tiute tau’ave e:

• faia ia tonu
• lē fa’aitū’au pe manatu fa’apito
• keep your information confidential
• fa’atumau o latou tomai e auala i le a’o’aoina i le latou matāfaioi masani
• faia na o galuega e agava’a iai e tusa ma lo latou a’oa’oina poo ni fa’ailoga

O nisi o fa’ai’uga e aofia ai amioga amiotonu o ni fa’afitauli e lē manino se tali sa’o pe sesē iai. Mo fa’amatala ‘upu, o nisi nei o fa’ai’uga e aofia ai amioga amiotonu e ono tula’i mai i le galuega:

• Lafo e se tagata ni ‘upu palauvale i luma o leoleo. E ono manatu le fa’amatala’upu e lē o se faiga tala feagai le palauvale i leoleo pe iloa e ono tula’i ai ni fa’afitauli mo le tagata o loo fesoasoani iai. Peita’i, o le ta’iala o amioga pulea e tatau ai i le fa’amatala’upu ona sa’o ma lē fa’aitū’au, ma o mea uma lava, e aofia ai ‘upu palauvale, e tatau ona fa’amatala i leoleo ma le isi itū.
• O le talosaga e aumai sona manatu, e pei o sana fuafuaga pe o pepelo fa’amatalaga a se tagata. O le ta’iala o amioga pulea e tatau ai ona lē fa’aitu’au le fa’amatala’upu ma fa’ailoa manino tua’oi o ona tiute. E lē auai i le finauina o se mata’upu, ta’ita’i pe fautuaina seisi e avea ma vaega o ona tiute fa’aliliu’upu pe fa’amatala’upu.
• Fesili atu pe na faia muamua e se tagata se fa’amatalaga i se fonotaga poo se feiloa’iga muamua. O le ta’iala o amioga pulea e tatau ai i le fa’amatala’upu ona puipuia fa’amatalaga. Tusa pe fesili se foma’i i le fa’amatala’upu pe na faia muamua e se tagata ma’i se fa’amatalaga i se asiasiga muamua, e lē mafai ona latou tatalaina iai ia faamatalaga.

Solia o le ta’iala o amioga pulea

E iai taimi e alia’e mai ai le lē mulimulita’ia e se fa’aliliu’upu poo se fa’amatala’upu o aiaiga, ma i’u ai i se tulaga ua āfaina pe fa’amanu’alia ai se tagata, se kamupani poo seisi tagata faigaluega. E fa’aigoaina lea o se ‘soli ta’iala’.

E matuiā i le va’ai a le NAATI, AUSIT, ASLITA, NZSTI ma le SLIANZ le solia o ta’iala o amioga pulea. E mafai ona e faitau i le Faiga Fa’avae mo Fa’aseā a le NAATI mo fautuaga i auala e tagofia ai ma su’esu’eina e le NAATI ni mata’upu ua solia ai ta’iala. E mafai fo’i ona fai sa’o sau fa’aseā i le fa’aliliu’upu poo le fa’amatala’upu, le kamupani e faigaluega ai, poo le fa’alapotopotoga e auai iai pe a o se sui (AUSIT, ASLITA, NZSTI poo le SLIANZ).