I taimi ua tu’uina atu ai le tiute e te iloiloina fa’aliliuga o pepa i se gagana e te lē tautala ai, e mafai ona lagona le faigatā. Ae o le mea sili ona fa’afetaia, e iai auala e iloiloina ai le lelei e mafai ona e ūia e mautinoa ai o le fa’aliliuga o loo sa’o, agava’a ma talafeagai ma le fa’amoemoe.

Siaki faigofie e mafai ona e faia e aunoa ma lou malamalama i le gagana

Tusa pe e te lē malamalama i le gagana o loo fa’aliliu iai se pepa, e mafai lava ona e iloiloina i le va’ai ma lona fausaga:

Fa’atusatusa le ‘umi o le pepa

E tai tutusa le ‘umi o le pepa ua fa’aliliuina ma le pepa i le gagana na fa’aliliu mai ai? E ui o nisi gagana e mana’omia ai ni ‘upu e tele atu pe laiti mai, ae a telē se ‘ese’esega, e ono fa’ailoa ai ni vaega o loo misia pe o ni vaega fa’aopoopo.

Siaki le Lolōmiga

O tutusa le aofa’i o parakalafa, manatu fa’apulu ma ulutala ma le pepa na fa’aliliu mai ai? O tusia le gagana o loo fa’aliliu iai i le vaega sa’o o le pepa?

Siaki Numera ma Fa’ailoga

Ia mautinoa o tutusa numera ma le pepa na fa’aliliu mai ai. Siaki fa’ailoga ma maka, ma manatua e ono ‘ese’ese le fa’aaogāina i gagana ta’itasi.

Spot Typing Errors

Va’ai mo fa’ailoga i vaega e lē fetaui iai, e pei o fa’ailoga fesili i pusa poo fa’ailoga e lē fetaui le mea o iai. E ono fa’ailoa ai sesē i fa’aliliuga poo le tāina.

Fu’a mūmū e tatau ona mata’itūina

O fa’afitauli i le tulaga lelei e tele ina mafua mai i le leaga o le fa’atinoina pe o le leai o se agava’a. O nisi nei o fa’ailoga e lapata’ia ai:

Fa’aliliu’upu e le’i pasia

Always verify NAATI credentials through the NAATI website. Lack of certification or professional experience is a concern.

Leaga feso’ota’iga

O tagata fa’aliliu’upu e tatau ona talia manatu fa’aalia ma fautuaga. O le tetee poo le musu e faia ni suiga o se tasi o fu’a mūmū.

Masalomia le taimi e fa’amae’a ai se galuega

O le fa’amae’a o se galuega telē (fa’ata’ita’iga 160,000 ‘upu) i le 24 itulā, e lē fetaui ma atagia ai le tulaga fa’alētonu o le galuega pe na fa’aliliu e se masini e aunoa ma se teuteuga.

Fua o le totogi e te lē masani ai

Fua o le totogi e matuā maualalo pe matuā maualuga atu nai lo isi fua o totogi e aunoa ma se fa’amatalaga, e ono fa’ailoa ai se faiga tau fa’asesē poo se galuega e maualalo le tulaga. O fua o totogi maualuluga e ono fetaui i tagata fa’aliliu’upu ua iai fa’ailoga maualuluga i le NAATI ma ua tele le poto masani i le galuega.

Taimi e failaina ai

Na failaina le pepa ua fa’aliliuina i le lolōmiga na malilie iai ma le taimi fa’atulagaina? A leai, na feso’ota’i manino atu le mafua’aga?

Lē fetaui i le faitau

A fa’apea e te mafai pe e te silafia se tagata e mafai ona faitauina le gagana o loo fa’aliliu iai, siaki le sipelaina ‘upu, le kalama ma le sologa lelei o fuai’upu. O le fesāsia’i o fa’a’upuga e ātagia ai le leaga o le fa’aliliuga.

Taimi e sa’ili ai seisi manatu

If something feels wrong, get a second translator to review the translation.

E tatau i taimi uma ona sa’ili seisi iloiloga mo:

• Pepa fa’aletulafono
• Fa’aaliga fa’alaua’itele
• Fa’amatalaga i le soifua maloloina
• Lomiga fa’atatau i le saogalemū
• So’o se mata’upu e mana’omia ona matuā sa’o
• Fa’aliliuga na gaosi pe na fesoasoani iai le poto gaosi pe na fa’aliliuina e se polokalame a se masini.

Vaega tāua ia manatua

E ui e mafai ona e mauaina nisi o fa’afitauli mātilatila, ae na o se fa’aliliu’upu ua pasia e mafai ona ia fa’amautinoa le sa’o ma le tala feagai o le fa’aliliuga ma lou fa’amoemoe. A iai se masalomia, sa’ili i taimi uma se fa’amaoniga mai seisi fa’aliliu’upu.