A fa’apea e te mana’omia se fesoasoani e feso’ota’i ai i seisi gagana, e ono mana’omia ona lua galulue fa’atasi ma se fa’aliliu’upu po’o se fa’amatala’upu.
E ui o i la’ua uma e galulue i gagana, ae ‘ese’ese a la galuega e fai.

E fa’apefea ona ou filifilia le tagata ou te mana’omia?

A fa’apea o se pepa tusia, e te mana’omia se fa’aliliu’upu. A fa’apea o le tautala poo le saini, e te mana’omia se fa’amatala’upu.
Mafaufau pe o se pepa e fa’asoa pe o se talanoaga e faia.

O a mea e faia e le fa’aliliu’upu?

O le fa’aliliu’upu e galue ma ‘upu tusia. O lana galuega o le fa’aliliuina sa’o ma tala feagai ma aganu’u o se mata’upu na tusia mai se tasi gagana aga’i i seisi gagana.

O nai fa’ata’ita’iga nei o galuega e faia e fa’aliliu’upu:

• Pepa fanau, laisene ‘ave ta’avale ma isi pepa fa’ailoa o tagata
• Feagaiga fa’aletulafono ma fa’amatalaga o tupe
• Ripoti fa’afoma’i
• Itūlau ‘upega tafā’ilagi, fa’asalalauga fa’apisinisi ma le maketi
• Īmeli, tusi ma fa’atonuga tusitusia
• Tusi fa’atonuga

O le fa’aliliu’upu e lē na o le suia sa’o mai o ‘upu mai le tasi gagana i le isi. O se fa’aliliu’upu agava’a, e fa’amautinoa o loo manino le uiga ma le gasologa, sa’o ‘upu e fa’aaogāina ma tutusa le gagana ma le fa’amoemoe o le pepa o loo fa’aliliuina. I Ausetalia, o le tele o fa’alapotopotoga, e pei o matagaluega a le mālō, e mana’omia ona fa’aliliu pepa e se fa’aliliu’upu ua pasia e le NAATI. E mautinoa ai le tulaga lelei ma manino.

O a mea e faia e le fa’amatala ‘upu?

O fa’amatala’upu e galulue ma le gagana tautala poo le saini, e fesoasoani ai i tagata e ‘ese’ese gagana e feso’ota’i i le taimi e tasi.

E te ono mana’omia se fa’amatala’upu i taimi e:

• Attending medical or health appointments
• talanoa ai i le Centrelink, leoleo poo nisi ‘au’aunaga a le mālō
• te auai ai i se fonotaga fa’apisinisi
• te auai ai i se fa’amasinoga
• te auai ai i se fono tele, seminā poo fa’atasiga a lou alaalafaga

E fa’alogo le fa’amatala’upu i saunoaga e faia i se gagana, ona ia fa’amatalaina sa’o lea ma lē tuta’ia i seisi gagana. E mafai ona ‘auai fa’atasi atu i se nofoaga, luga o le telefoni poo se video. I le tele o tulaga, ae maise i le soifua maloloina ma le tulafono, e tāua tele le sa’o o le fa’amatala’upu e mautinoa ai ua malamalama uma tagata ia latou aiā tatau, tiute ma filifiliga e faia.

Ae fa’apefea pe a ou galue i le vā o ‘upu e tusia ma tautala?

I nisi o taimi e galulue fa’aliliu’upu ma fa’amatala’upu i le vā o ‘upu e tusia ma tautala/saini. Fa’ata’ita’iga:

• Fa’aliliu faitau: e faitau e le fa’amatala’upu se pepa ma ni ‘upu tusia (e pei o se pepa fa’atagana i le falema’i) ma ia fa’aliliuina i le taimi lava lea i seisi gagana, pe tautala pe saini
• Fa’aliliu tusitusi: e fa’alogo le fa’aliliu’upu i se saunoaga ona ia tusia lea o le fa’aliliuga i seisi gagana

O se tasi o auala e mafai ona va’ai ai iai, poo le a le fa’ai’uga? A fa’apea o se pepa, e mana’omia se fa’aliliu’upu. A fa’apea o se saunoaga, talanoaga poo se video, e mana’omia se fa’amatala’upu.

O fea ou te mauaina ai ni tagata agava’a ua pasia?

Pe o se fa’amatala’upu poo se fa’aliliu’upu, e sili atu lava ona e filifilia se tagata ua pasia mai le NAATI. E ‘ese’ese fa’ailoga a le NAATI mo fa’aliliu’upu ma fa’amatala’upu, ae o le iai o tusi pasi e mautinoa ai o lea tagata ua iai le tomai ma a’oa’oina i se tulaga e mafaia ai ona ia fa’aliliu fa’amatalaga i se auala e sa’o, lē manatu fa’apito ma agava’a.

E mafai ona e mauaina fa’aliliu’upu ma fa’amatala’upu i le tusi telefoni ma feso’ota’iga a le NAATI i le ‘upega feso’ota’i .