E leai se tali e tasi i le fesili “O lea le totogi o lenei galuega?” . O le totogi o le galuega e tasi e fa’alagolago i le ‘au’aunaga, le tomai ma le poto masani o le tagata faigaluega ma mana’oga o tagata e totogia. E tele ina fua e tagata faigaluega le totogi i se tulaga talafeagai a’o ofoina se ‘au’aunaga sili ona lelei.

O lenei tusi e fa’amatala atu ai nisi o vaega e aofia i le fuaina o totogi. O lou malamalama i nei vaega, e mafai ai ona faia sau fa’ai’uga ma le tonu ma fuafua tatau iai lau paketi tino mai.

aO le auala sili e malamalama ai i totogi, o lou vala’au lea i ni ofo o totogi mai le ‘aufaigaluega, ona fa’atusa lea ma mea e aofia ai.The best way to understand costs is to request several quotes so you can compare pricing and what’s included.

Auala e faia ai totogi

O tagata fa’aliliu’upu ma fa’amatala’upu e tele ina galulue mo i latou lava, pe faigaluega mo se ‘au’aunaga i gagana (LSP). O le tele o LSP e iai pili i luga atu e totogi o se vaega o le pisinisi, ae o tagata e galulue mo i latou lava, e pulea a latou lava tupe fa’aalu.

O totogi e fa’alagolago i le:

• itū’aiga ‘au’aunaga, e aofia ai le aofa’i o tagata fa’aliliu’upu ma fa’amatala’upu e ‘auai
• lavelave o le mata’upu, e aofia ai le tulaga o tapenaga ma su’esu’ega e mana’omia
• le maualuga o le tusi pasi mai le NAATI
• a’oga ma le poto masani
• taimi faatapulaa, galuega i tua mai o itulā faigaluega poo pili mo galuega mana’omia vave
• totogi mo femalaga’iga mo le auai i se galuega.

Itū’aiga ‘au’aunaga ma fa’atulagana o totogi

E ‘ese’ese ‘au’aunaga ma ‘ese’ese fa’atulagana o totogi.

• ‘Au’aunaga fa’aliliu’upu e tele ina totogi ta’i pepa, ta’i itūlau pe ta’i ‘upu, ae mafai fo’i ona totogi ta’i itulā e fa’alagolago lava i le itū’aiga galuega.

• ‘Au’aunaga fa’amatala’upu e mafai ona totogi ta’i itulā, ta’i ‘afa aso pe ta’i aso atoa. O totogi fo’i a fa’amatala’upu e ono aofia ai taimi o tapenaga ma femalaga’iga.

Totogi o le fa’aliliu’upu

• O le fa’aliliuina o pepa masani (e pei o pepa fanau poo laisene ‘ave ta’avale): E masani ona totogi ta’i itūlau pe ta’i pepa. E mafai ona fa’aliliuina le pepa atoa pe fa’aliliu na o ni vaega tāua o le pepa.

• Fa’aliliu’upu faalaua’itele: E tele ina totogi ta’i ‘upu, ma e iai ma pili maualalo mo galuega pupu’u.

• Galuega fa’apitoa (e pei o le tulafono, soifua maloloina pe fa’atusitala): Maualuga atu le totogi ona o le tomai e mana’omia. Atonu e fa’aopoopo iai ma se totogi o le siakiina mo le lelei ma sa’o.

• Teuteuina o pepa na fa’aliliu e masini: Teuteuina o pepa na fa’aliliu e masini pe o sa’o. E mafai ona totogi ta’i ‘upu pe ta’i itulā le fa’aliliu’upu e fa’alagolago i le lelei o le fa’aliliuga a le masini.

Totogi o le fa’amatala’upu

• ‘Au’aunaga fa’amatala’upu: Totogi ta’i itulā, ‘afa aso pe aso atoa. O fua o totogi e fa’alagolago i le aso e tau’a’aoina ai (fa’amatala fa’a-fuai’upu pe fa’atasi, ‘auai atu pe faia mamao i seisi auala).

• Fa’amatala’upu Fonotaga pe Auslan: E tele ina mana’omia ni fa’amatala’upu se to’a lua, ae maise mo fonataga e ‘umi o faia.

• Fa’amatala’upu Fonotaga: E ono mana’omia ni masini fa’apitoa.

• Taimi maualalo e fa’avasega ai pe toe soloia: E tele ina iai totogi maualalo a fa’amatala’upu (fa’ata’ita’iga, 2-3 itulā) tusa pe o se galuega pu’upu’u. E ono tāpā se totogi e fa’avasega ai se galuega pe a toe soloia i se taimi pu’upu’u.

Mea e fesili iai pe a talosagaina se fua o totogi

Ina ia lē iai se fa’afitauli, fa’amautinoa i taimi uma:

• Le totogi atoa (e aofia ai le GST pe afai e totogi)
• Pe fa’apefea ona fua le pili (ta’i ‘upu, ta’i itulā, pe mo le pepa)
• Taimi e fuafua e fa’amae’a ai
• Pe aofia i le totogi o le fa’aliliuga le saikiina pe o lelei ma sa’o
• Pe iai ni vaega e fa’apa’ū mai ai i lalo le totogi (fa’ata’ita’iga, feutaga’i le aso e fa’amae’a ai ia faasaoina ai le totogi mana’omia vave)

O le manino ma au’ili’ili lelei o lau talosaga, o le sa’o fo’i lea ma manino o le fua o le totogi e aumaia.