O nisi o gagana e to’a laiti pe leai ni tagata fa’amatala’upu pe fa’aliliu’upu pasia e le NAATI i Ausetalia. A fa’apea o le tulaga lea ae o loo e mana’omia se ‘au’aunaga i gagana, o nisi nei o auala e te filifilia.

Fa’afeso’ota’i se ‘au’aunaga i gagana

Atonu e mafai e se ‘au’aunaga i gagana ona mauaina se fa’aliliu’upu poo se fa’amatala’upu e iai se poto masani ma a’oa’oina, tusa pe le’i pasia e le NAATI. Fesili iai i lona poto masani i le galuega ma tāpā ni ona tusi lagolago.

Fa’aaogā se faiga fai’au i le fa’amatala’upu

I nisi tulaga, e mafai ona e talosaga i se tagata e iloa tautala i le gagana e fa’amatala’upu ae lagolago iai le fa’amatala’upu ua pasia e le NAATI ae malamalama i se gagana e felāta’i. O le faiga fai’au lenei e mafai ai ona mautinoa le lelei ona e mafai e le fa’amatala’upu ua pasia ona fautuaina le isi tagata lea e lua gagana ia sa’o le fa’amatalaina; peita’i, e ono tuai ma ‘umi atu se taimi e alu ai.

Fafeso’ota’i fa’alapotopotoga fa’avāomālō

Taumafai ona ‘a’apa atu i:

• Ofisa Amapasa, Komesina Maualuga, poo Konesula
• Fa’alapotopotoga aloa’ia fa’aliliu’upu ma fa’amatala’upu i atunu’u i fafo
• Asosi a fa’alapotopotoga fa’aliliu’upu ma fa’amatala’upu i atunu’u i fafo
  • AIIC (Asosi Fa’avāomālō a Fa’amatala’upu i Fonotaga)
  • Fa’alapotopotoga Fa’avāomālō a Fa’aliliu’upu (silasila i le lisi o sui ‘auai e iloa ai atunu’u uma o loo iai ma a latou asosi fa’alegaluega)
  • ATA (Asosi a Fa’aliliu’upu i Amerika)
  • NZSTI (le Sosaiete a Fa’aliliu’upu ma Fa’amatala’upu i Niu Sila)
• ‘Au’aunaga i Gagana i atunu’u i fafo

Mana’omia se faaliliuga e se fa’aliliu’upu pasia e le NAATI?

Afai e mana’omia e se matagaluega a le mālō poo se Univesitē se fa’aliliuga mai se fa’aliliu’upu pasia e le NAATI, ae leai seisi e maua i lau gagana, fa’afeso’ota’i le NAATI. E mafai ona matou tu’uina atu se tusi faamaonia e fa’ailoa ai e lē mauaina se fa’aliliu’upu pasia i lau gagana.

Lapata’iga tāua: ‘Aua le fa’aaogāina tagata o ‘āiga poo uō e fai ma fa’amatala’upu

E fautuaina malosi e le NAATI le lē tatau ona fa’aaogāina tagata o ‘āiga, ta’ito’alua, uō poo tamaiti e fai ma fa’amatala’upu, ae maise i tulaga tāua e pei o le:

• Va’aiga o foma’i
• Mata’upu fa’aletulafono
• ‘Au’aunaga aloa’ia a le mālō

Silasila ia matou fautuaga i le ‘ese’esega o tagata e lua gagana ma fa’amatala’upu i’inei .

Mana’omia se fesoasoani?

Afai ete lē mautinoa le mea e fai, fa’afeso’ota’i le NAATI poo se ‘au’aunaga i gagana mo se fautuaga i sau filifiliga talafeagai mo lou tulaga.