Filifiliga o se tagata poo se ‘au’aunaga i gagana
I le itulau lenei
- 1. Fa’amatala ou mana’oga
- 2. Siaki fa’ailoga ma le lelei
- 3. Fa’atusatusa le totogi ma le aogā
- Mana’omia se fa’aliliuga aloa’ia o se pepa fa’aletulafono?
A fa’apea e te mana’omia se ‘au’aunaga fa’aliliu’upu poo fa’amatala’upu, e mafai ona e filifilia se tagata fa’aliliu’upu poo se fa’amatala’upu pe o se ‘au’aunaga i gagana (LSP).
1. Fa’amatala ou mana’oga
- Fa’ailoa le itū’aiga ‘au’aunaga e te mana’omia – fa’aliliu’upu, fa’amatala’upu poo mea uma e lua
- Filifili le gagana ma le itū’aiga fa’aleoga e mana’omia
- Mafaufau pe e te mana’omia se tagata e iai se tomai fa’apitoa i lau mata’upu
- Fuafua pe o le galuega e na o le tasi le taimi pe faaauau pea mo se taimi e fa’amutaina ai
| Tagata fa’aliliu’upu ma fa’amatala’upu | ‘Au’aunaga i Gagana LSPs |
|---|---|
| Individual translators and interpreters provide direct communication and a personalised approach. They’re often cost-effective and flexible, especially for uncommon languages or smaller projects. | O ‘au’aunaga i gagana LSPs e mafai ona gafa ma galuega tetele e aofia ai le tele o ni gagana, e pei o fonotaga, sauniga, poo ni pepa fa’aliliu e matuā tele ‘upu. Latou te ono fa’aaogāina fo’i nisi o itū’aiga tekonolosi i galuega fa’aliliu’upu ma fa’amatala’upu. |
2. Siaki fa’ailoga ma le lelei
Sa’ili pe o le fa’aliliu’upu poo le fa’amatala’upu ua pasia e le NAATI e fa’aaogāina ai le ‘Siaki se Tusi Pasi NAATI’ i lenei itūlau ‘upega feso’ota’i. E mafai fo’i ona e fesili iai pe o ia o se sui ‘auai o se asosi e pei o le AUSIT, ASLITA poo le NZSTI.
Siaki i taimi uma o latou tusi lagolago. Mo LSPs, ia mautinoa o loo galulue fa’atasi ma tagata ua pasia e le NAATI. A iai sou masalosaloga, e mafai ona e fesili i le tagata faigaluega mo lana numera CPN e sa’ili ai pe ua pasia i le itūlau ‘upega feso’ota’i a le NAATI. Siaki iloiloga ma tusi lagolago i le ‘upega feso’ota’i. Fesili iai i auala latou te tausisia ai le lelei o ‘au’aunaga ma lo latou masani i aganu’u ma ‘upu ma le gagana tala feagai.
3. Fa’atusatusa totogi ma le aogā
Vala’au i ni ofo e fa’atusatusa ai le fua o totogi. Mo tagata ta’ito’atasi, ia mautinoa e leai nisi pili o fa’alafi e pei o le fa’avave. Mo LSPs, silasila i le taua ma le pulea o le galuega, auala e siaki ai le tulaga lelei ma le tekonolosi lagolago.
Mana’omia se fa’aliliu’upu pasia mo pepa fa’aletulafono?
Afai e te mana’omia se pepa fa’aletulafono e pei o se pepa fanau poo se talanoaga e fa’aliliu fa’apepa e fa’aaogā i Ausetalia, o le fa’aliliuga e tele lava ina mana’omia ona faia e se fa’aliliu’upu pasia e le NAATI. A fa’apea e te filifilia se LSP, ia mautinoa ona fa’amanino iai e na o se fa’aliliu’upu pasia e le NAATI na te fa’aliliuina lau pepa.
Fa’aaogā le tusi telefoni ma feso’ota’iga a le NAATI e sa’ili ai se tagata agava’a mo ou mana’oga.