Pusa fa’amatalaga fa’alauiloa mo galuega a foma’i
‘E tāua lo tatou femalamalamaa’i‘ o se faalauiloa i le atunu’u i le sao tāua o tagata fa’amatala’upu ua pasia e le NAATI, ae maise i ‘au’aunaga soifua maloloina. E una’ia ai tagata o loo feagai ma gasegase ia vala’au mo se fa’amatala’upu pasia, ae lē ose uō poo seisi o le ‘āiga, ma fesoasoani ai i ‘au’aunaga soifua maloloina ia amana’ia le tāua o le fa’aaogāina o fa’amatala’upu pasia o se vaega o lo latou tiute tau’ave.
Faitau atili i le fa’alauiloa lenei.
Fa’alauiloa Fa’asalalauga Fa’apisinisi i le TV (60 sekone)
‘Tatou te mana’omia uma le femalamalamaa’i’ fa’asalalauga fa’apisinisi i se faiga pa’aga ma le SBS in Language.
O le TVC 60 sekone e mafai ona to i lalo ma taina i potu fa’atalitali. E maua i le gagana Igilisi ma fa’amatalaga tusia, ma maua fo’i fa’amatalaga tusia i gagana e 14 e aofia ai: Arapi, Saina Faigofie, Saina Masani, Farani, Eleni, Hindi, Italia, Khmer, Masetonia, Rusia, Serbia, Sipaniolo, Thai ma Turkish.
Silasila i le pusa TVC (mp4)
Fa’amatala’upu pasia, tusi pasi mai le NAATI ma ‘au’aunaga fa’afoma’i saogalemu
Fa’amaopoopoina e le NAATI i se galuega fai fa’atasi ma le Kolisi i Ausetalia mo Foma’i Lautele (RACGP), o lenei pusa o fesoasoani e lagolagoina ai le galuega a foma’i, pule o ‘au’aunaga soifua maloloina, ‘aufaigaluega i ofisa tausi ma’i, ma isi tagata e iai le tomai i ‘au’aunaga soifua maloloina o loo tautuaina nisi e lē o le gagana muamua le Igilisi, pe logonoa pe faigata ona fa’alogo.
E maua ai ta’iala i taimi ma auala e fa’aaogāina ai se fa’amatala’upu, galulue felagolagoma’i ma fa’amatala’upu i taimi o fa’atalanoaga, tulaga lamatia mai le fa’aaogāina o fa’amatala’upu le’i pasia, ‘aufaigaluega e lua gagana, fesoasoani i feso’ota’iga mai le AI, tusi pasi mai le NAATI, fa’amautinoa le lelei o galuega, ma le totogi o le fa’amatala’upu i lana galuega.
Tō i lalo Pusa Fesoasoani (PDF 3.8MB) Tō i lalo Pusa Fesoasoani (Doc 2.8MB)
Pepa fa’amaonia fa’amatala’upu
Ua fa’amaopoopoina e le NAATI se pepa fa’amaonia e fesoasoani ai i tagata pe a sa’ili se fa’amatala’upu i taimi e mana’omia ai se fesoasoani i le gagana. O le pepa lenei e mafai ona fa’aali i se ‘au’aunaga e ta’u atu iai o loo mana’omia se fesoasoani a se fa’amatala’upu.
O le fa’aaogāina o se fa’amatala’upu pasia e fa’amautinoa ai o mata’upu tāua uma o loo fa’amatalaina i auala manino ma sa’o. O fa’amatala’upu pasia e le NAATI o tagata ua lava le tomai ma galulue e tusa ai ma tulaga aiaia ma e tausisi i le sa’o, le malu puipuia o fa’amatalaga ma leai se fa’aitū’au.
To i lalo fa’amatalaga fesoasoani (PDF 3.6MB)
Ata faailoa i potu fa’atalitali
O lenei ata fa’ailoa e mafai ona fa’aalia i potu fa’atalitali o foma’i GP poo falema’i o loo mafai ona maua fua ai ‘au’aunaga fa’amatala’upu, e una’ia ai tagata gasegase e talosaga mo se fa’amatala’upu. Ua fa’amaopoopoina e le NAATI i se galuega fai faatasi ma le LanguageLoop ma le AUSIT, o lenei ata fa’ailoa e fesoasoani i le tuleia o le silafia i ta’iala o fa’ai’uga amiotonu ma amioga taualoa o loo saitia ai fa’amatala’upu pasia ma fa’atuatuaina ai e tagata gasegase le malu puipuia o fa’amatalaga ma aloa’ia.
E tāua tele le manino o feso’ota’iga i le vā o tagata gasegase ma tagata faigaluega i ‘au’aunaga soifua maloloina, ‘auā le saogalemū, fa’ai’uga malamalama ma se tausiga aupito lelei.
*O se lomiga o lenei ata fa’ailoa e lē o aofia ai le laina ‘Maua Fua’ e mafai fo’i ona maua i gagana o loo lisi atu i lalo. A fia talosaga se kopi, fa’afeso’ota’i le communications@naati.com.au.