चिकित्सकीय अभ्यासका लागि डिजिटल सचेतना किट
हामी सबैलाई बुझ्नु पर्छ भन्ने अभियानले विशेष गरी स्वास्थ्य सेवा क्षेत्रमा NAATI-प्रमाणित दोभाषेहरूको महत्त्वपूर्ण भूमिकाबारे जनचेतना जगाउँछ। यसले बिरामीहरूलाई साथीभाई वा परिवारका सदस्यको सट्टा व्यावसायिक दोभाषेको सहयोग लिन प्रोत्साहित गर्छ, साथै स्वास्थ्य सेवा प्रदायकहरूलाई आफ्नो हेरचाहसम्बन्धी दायित्वको एक हिस्साका रूपमा प्रमाणित दोभाषेहरूलाई संलग्न गराउनुको महत्त्व बुझ्न मद्दत गर्छ।
अभियानबारे थप जानकारी यहाँ पढ्नुहोस्।
अभियानको टेलिभिजन विज्ञापन (६० सेकेन्ड)
एस.बी.एस इन ल्याङ्ग्वेज (SBS In Language) सँगको सहकार्यमा ‘हामी सबैलाई बुझ्नु पर्छ’ टेलिभिजन विज्ञापन।
यो ६० सेकेन्डको यो टि.भी. विज्ञापन (TVC) डाउनलोड गर्न र प्रतीक्षा कक्षहरूमा प्रसारण गर्नका लागि उपलब्ध छ। यो अंग्रेजी संस्करणमा क्लोज्ड क्याप्सन (closed captioning) सहितको उपलब्ध छ भने १४ वटा निम्न भाषाहरूमा पनि उपशीर्षक (subtitle) सहित उपलब्ध छ: अरबी, सरलीकृत चिनियाँ, परम्परागत चिनियाँ, फ्रान्सेली, ग्रीक, हिन्दी, इटालियन, खमेर, म्यासेडोनियन, रुसी, सर्बियन, स्पेनी, थाई र टर्कीश।
TVC फोल्डर (mp4) हेर्नुहोस्
व्यावसायिक दोभाषे सेवा, NAATI प्रमाणीकरण र सुरक्षित सामान्य चिकित्सा
NAATI द्वारा रोयल अष्ट्रेलियन कलेज अफ जनरल प्राक्टिसनर्स (RACGP) सँगको सहकार्यमा तयार पारिएको यो व्यावहारिक स्रोत साधनले अंग्रेजीबाहेक अन्य भाषा बोल्ने वा बहिरा तथा सुन्न कठिनाइ भएका बिरामीहरूसँग काम गर्ने सामान्य चिकित्सक (GP), चिकित्सा व्यवस्थापक, रिसेप्शनका कर्मचारी तथा अन्य प्राथमिक स्वास्थ्य सेवाकर्मीहरूलाई सहयोग पुर्याउँछ।
यसले दोभाषेलाई कहिले र कसरी संलग्न गराउने, परामर्शको क्रममा दोभाषेहरूसँग कसरी प्रभावकारी रूपमा काम गर्ने, अनौपचारिक दोभाषेको जोखिम, द्विभाषी कर्मचारी र एआई सहायतायुक्त सञ्चार, NAATI प्रमाणीकरण र गुणस्तर सुनिश्चितता, र दोभाषे प्रयोग गरि गरिएको परामर्शको भुक्तानी बारे मार्गदर्शन प्रदान गर्दछ।
संसाधन डाउनलोड गर्नुहोस् (PDF 3.8 MB) संसाधन डाउनलोड गर्नुहोस् (Doc 2.8MB)
दोभाषे परिचयपत्र
भाषासम्बन्धी सहायता आवश्यक पर्दा दोभाषेको माग गर्न मानिसहरूलाई मद्दत पुर्याउने उद्देश्यले NAATI ले एउटा सरल कार्ड तयार पारेको छ। दोभाषेको आवश्यकता छ भन्ने कुरा जानकारी गराउन यो कार्ड सेवा प्रदायकलाई देखाउन सकिन्छ।
व्यावसायिक दोभाषेको सहायता लिँदा महत्त्वपूर्ण जानकारी स्पष्ट र सही रूपमा सम्प्रेषण भएको कुरा सुनिश्चित गर्न मद्दत पुग्छ। NAATI-प्रमाणित दोभाषेहरू राष्ट्रिय मापदण्डअनुसार काम गर्ने योग्य पेशाकर्मीहरू हुन् र उनीहरू शुद्धता, गोपनीयता तथा निष्पक्षता कायम राख्न प्रतिबद्ध हुन्छन्।
संसाधन डाउनलोड गर्नुहोस् (PDF 3.6MB)
प्रतीक्षा कक्षको पोस्टर
नि:शुल्क दोभाषे सेवा उपलब्ध गराउने अस्पताल वा सामान्य चिकित्सक (GP) क्लिनिकका बिरामी प्रतीक्षा कक्षहरूमा यो पोस्टर टाँस्न सकिन्छ; यसले बिरामीहरूलाई दोभाषेको माग गर्न प्रोत्साहन दिन्छ। NAATI ले LanguageLoop र AUSIT सँगको सहकार्यमा तयार पारेको यो पोस्टरले योग्यता प्राप्त दोभाषेहरूले पालना गर्नुपर्ने आचारसंहिता र कार्य-नियमहरूबारे सचेतना जगाउनुका साथै, दोभाषे सेवा गोपनीय र व्यावसायिक हुन्छ भन्ने कुरामा बिरामीहरूलाई आश्वस्त पार्छ।
सुरक्षा, सुसूचित निर्णय प्रक्रिया र गुणस्तरीय स्याहारका लागि बिरामी र स्वास्थ्यकर्मीहरूबीच स्पष्ट सञ्चार आवश्यक पर्छ।
*यो पोस्टरको ‘यो नि:शुल्क छ’ लेखेको संस्करण बाहेक पनि तल सूचीबद्ध भाषाहरूमा उपलब्ध छ। एक प्रति मगाउन communications@naati.com.au मा सम्पर्क गर्नुहोस्